اردو ورلڈ کینیڈا ( ویب نیوز)پاکستان اور انگلینڈ کے درمیان سات میچوں پر مشتمل سیریز کا دوسرا ٹی ٹوئنٹی انٹرنیشنل میچ آج (جمعرات) نیشنل سٹیڈیم کراچی میں کھیلا جائے گا۔

پاکستان کے وکٹ کیپر بلے باز مڈل آرڈر کی خراب کارکردگی سے پریشان ہیں۔ میچ کے بعد پریس کانفرنس کرتے ہوئے انہوں نے کہا کہ ٹیم جلد کوتاہیوں پر قابو پالے گی۔

دوسری جانب مہمان ٹیم جیت کا سلسلہ جاری رکھنے کے لیے تیار ہے کیونکہ مہمان ٹیم نے سیریز کے پہلے ٹی ٹوئنٹی میچ میں پاکستان کو چھ وکٹوں سے شکست دی تھی۔

پاکستان سیریز اور آسٹریلیا میں ٹی ٹوئنٹی ورلڈ کپ کے لیے ٹیم میں واپسی کرنے والے انگلش بلے باز ایلکس ہیلز نے 40 گیندوں پر 53 رنز بنا کر اپنی ٹیم کو فتح سے ہمکنار کیا۔ آج کے میچ کے ساتھ باقی میچز کراچی (23، 25 ستمبر) اور لاہور (28، 30 ستمبر اور 2 اکتوبر) میں ہوں گے۔