149
اردو ورلڈ کینیڈا ( ویب نیوز) چیف آف آرمی سٹاف سیلاب متاثرہ علاقوں کے دورے پر کراچی پہنچ گئے ہیں وہ فوج کے دستوں سے بھی ملاقات کریں گے جو بدین میں امدادی سرگرمیوں میں مصروف ہیں۔
آئی ایس پی آر کی جانب سے جاری بیان کے مطابق آرمی چیف کراچی پہنچ گئے ہیں اور وہ دن کو بدین کا سفر کریں گے۔
اپنے ضلع کے دورے کے دوران، سی او اے ایس فوج کے دستوں سے بھی ملاقات کریں گے جو بدین میں امدادی سرگرمیوں میں مصروف ہیں۔
واضح رہے کہ جنرل باجوہ نے حال ہی میں سندھ، بلوچستان اور خیبرپختونخوا کے کئی سیلاب زدہ شہروں کا دورہ کیا تھا۔ پاک فوج کے جوان سیلاب متاثرین کی بحالی کے لئے مصروف عمل ہیں اور متاثرین کو تمام ممکنہ سہولیات فراہم کر نے کی کوشش کررہے ہیں۔
