124
اردو ورلڈ کینیڈا ( ویب نیوز)پی ایس ایل7 کی ٹرافی کو ملک بھر میں سیلاب سے متاثرہ افراد کی مدد کے لیے عام کر دیا گیا ہے۔
اخوت فاؤنڈیشن کے فلڈ ریلیف کیمپ میں پاکستان سپر لیگ سیزن سات کی ٹرافی کی رونمائی کی گئی۔ ٹرافی کے ساتھ تصویر کھنچوانے والا شہری فلڈ ریلیف فنڈ میں 100 روپے یا اس سے زیادہ جمع کرائے گا۔
اخوت فاؤنڈیشن کی جانب سے سیلاب متاثرین کے لیے لاہور کے لبرٹی چوک میں ریلیف کیمپ لگایا گیا ہے اور اس سلسلے میں لاہور قلندر کے سی ای او رانا عاطف نے پی ایس ایل سیون کی ٹرافی کو منظر عام پر لایا ہے۔
اخوت فاؤنڈیشن کے چیئرمین امجد ثاقب نے کہا کہ اس نیک کام میں ہم سب کو اپنا حصہ ڈالنا ہے۔
انہوں نے شہریوں سے اپیل کی کہ وہ پی ایس ایل ٹرافی کے ساتھ تصاویر بنوائیں اور سیلاب زدگان کے لیے اپنے بھائیوں کی مدد کے لیے عطیات بھی دیں۔
