اردو ورلڈ کینیڈا ( ویب نیوز)پاکستان تحریک انصاف نے عمران خان کا مطالبہ پورا ہونے تک ملک گیر احتجاج جاری رکھنے کا اعلان کیا ہے۔

پی ٹی آئی کے سیکرٹری جنرل اسد عمر نے ایک ٹویٹ میں کہا کہ آج نماز جمعہ کے بعد پورے ملک میں احتجاج کیا جائے گا۔ عمران خان کا مطالبہ پورا ہونے تک احتجاج کرتے رہیں گے

گزشتہ روز عمران خان پر فائرنگ واقعے کے بعد اسد عمر نے ایک بیان میں کہا کہ عمران خان نے وزیراعظم شہباز شریف، وزیر داخلہ رانا ثناء اللہ اور ریاستی ادارے کے افسر کو ذمہ دار ٹھہرایا اور تینوں کو ہٹانے کا مطالبہ کیا۔

پی ٹی آئی نے ان تینوں افراد کو ان کے عہدوں سے ہٹانے تک ملک گیر احتجاج کا اعلان کردیا۔

آج نماز جمعہ کے بعد تمام ملک میں احتجاج ہو گا. جب تک عمران خان کا مطالبہ پورا نہیں ہوتا، ملک گیر احتجاج جاری رہے گا

— Asad Umar (@Asad_Umar) November 4, 2022