اردو ورلڈ کینیڈا ( ویب نیوز)فائر فائٹرز نے جمعہ کی صبح ٹورنٹو کے مرکز میں ایک کثیر المنزلہ عمارت میں لگنے والی آگ سے دو لوگوں کو بچا لیا۔
ٹورنٹو فائر کو صبح 4:00 بجے جیرارڈ اسٹریٹ ایسٹ اور جارویس اسٹریٹ کے قریب میوچل اسٹریٹ پر ایک عمارت میں آگ لگ گئی تھی۔ آگ سے بچائے گئے ایک شخص کو تشویشناک حالت میں ہسپتال لے جایا گیا تھا دوسرے شخص کو موقع پر ہی طبی امداد دی گئی۔
ابھی تک یہ معلوم نہیں ہو سکا کہ عمارت میں آگ کہاں اور کیسے لگی۔ آگ پر قابو پا لیا گیا ہے۔ کسی اور کے زخمی ہونے کی کوئی اطلاع نہیں ہے۔