اردو ورلڈ کینیڈا ( ویب نیوز ) ملک بھر میں مہنگائی عروج پر ، ہفتہ وار مہنگائی میں 0.53 فیصد اضافہ ہوا ہے جبکہ سالانہ مہنگائی 30.60 فیصد ریکارڈ کی گئی ہے۔
شماریات کی ہفتہ وار مہنگائی رپورٹ کے مطابق حالیہ ہفتے کے دوران 21 اشیائے ضروریہ کی قیمتوں میں اضافہ اور 9 اشیا کی قیمتوں میں کمی جبکہ 21 اشیا کی قیمتیں مستحکم رہیں۔
گزشتہ ایک ہفتے میں ٹماٹر کی قیمتوں میں 15.97 فیصد، پیاز کی قیمتوں میں 9.38 فیصد، نمک کی قیمت میں 2.58 فیصد، آلو کی قیمت میں 2.88 فیصد اور ماچس کی قیمتوں میں 1.34 فیصد اضافہ ہوا ہے۔

رپورٹ کے مطابق چنے کی قیمت میں 3.37 فیصد، ایل پی جی کی قیمت میں 1.75 فیصد، دال مسور کی قیمت میں 2.25 فیصد، دال چنا کی قیمت میں 1.08 فیصد، دال چنے کی قیمت میں 0.16 فیصد کمی ریکارڈ کی گئی۔