اردو ورلڈ کینیڈا ( ویب نیوز)گریٹر ٹورنٹو ایریا میں برف باری کی وارننگ اب بھی جاری ہے اور اس کی وجہ سے شام کے وقت ٹریفک میں دشواری بھی ہو سکتی ہے۔

دن کا آغاز بوندا باندی اور برف باری سے ہوا لیکن شام ہوتے ہی موسم نے کروٹ لی اور درجہ حرارت میں زبردست کمی آئی اور بارش کی جگہ شدید برف باری نے لے لی

۔ ہالٹن، پیل اور ہیملٹن میں 3:00 بجے سے پہلے برف کی وارننگ ختم ہوگئی۔ لیکن ان خطوں کے لیے بھی ٹریول ایڈوائزری جاری رکھی گئی

ماحولیات کینیڈا نے مسلسل برف باری سے خبردار کیا ہے

یارک اور ڈرہم کے ساتھ ساتھ مشرقی اونٹاریو کے بیشتر علاقوں میں برف کی وارننگ برقرار ہے۔
ٹورنٹو میں ٹریول ایڈوائزری بھی جاری ہے۔ اس کے ساتھ ہی تیز ہواؤں سے موسم مزید خراب ہونے کی پیش گوئی کی گئی ہے۔ جی
ٹی اے میں 15 سینٹی میٹر تک برفباری کی پیش گوئی کی گئی ہے۔ او پی پی سارجنٹ کیری شمٹ کا کہنا تھا کہ کولیشن رپورٹنگ سینٹر کل تک خالی تھا اور آج خراب موسم کی وجہ سے پارکنگ بھری ہوئی ہے جس کے باعث تصادم اور حادثات ہو رہے ہیں۔

محکمہ موسمیات کا کہنا ہے کہ یہ برفانی طوفان امریکا کی جانب کم دباؤ کے نظام کی وجہ سے آیا ہے اور صبح کے وقت 70 کلومیٹر فی گھنٹہ کی رفتار سے تیز ہوائیں چل سکتی ہیں اور آج شام تک یہ طوفان کم ہونے کا امکان ہے۔