اردو ورلڈ کینیڈا ( ویب نیوز) اسپیکر پنجاب اسمبلی سبطین خان نے گورنر پنجاب بلیغ الرحمان کی جانب سے بلائے گئے اجلاس کو غیر قانونی قرار دے دیا۔

اسپیکر سبطین خان نے گورنر کی جانب سے بلائے گئے اجلاس کا پنجاب اسمبلی کی جانب سے گزٹ نوٹیفکیشن جاری نہ کرنے کا فیصلہ کیا ہے۔
ذرائع کے مطابق سپیکر پنجاب اسمبلی سبطین خان نے کہا ہے کہ گورنر کی جانب سے بلایا گیا اجلاس درست نہیں کیونکہ اجلاس پہلے ہی جاری ہے، اجلاس جاری ہونے پر نیا اجلاس نہیں بلایا جا سکتا۔
ان کا مزید کہنا تھا کہ موجودہ اجلاس اسپیکر کی جانب سے بلایا جاتا ہے جسے گورنر منسوخ نہیں کرسکتے
حکومتی کام ہوا تو کل بھی پنجاب اسمبلی کا اجلاس ہوگا، اسمبلی سیکریٹریٹ بلائے گئے اجلاس کا گزٹ نوٹیفکیشن جاری نہیں کرے گا
یاد رہے کہ گزشتہ رات پی ڈی ایم کی طرف سے سپیکرپنجاب اسمبلی ، ڈپٹی اور وزیر اعلیٰ کیخلاف تحریک عدم اعتماد جمع کرائی گئی ہے جس پر ووٹنگ ہوگی ،پنجاب میں ایک بار پھر جوڑ توڑ شروع ہوگیا ہے وقت پر پتہ چلے گا کہ پنجاب اسمبلی میں کیا صورتحال ہوگی۔