اردو ورلڈ کینیڈا ( ویب نیوز )پاکستان تحریک انصاف کے چیئرمین عمران خان نے میڈیا اسٹریٹجی کمیٹی کا اجلاس طلب کرلیا۔
عمران خان کی زیر صدارت زمان پارک میں اجلاس ہوگا جس میں پی ٹی آئی کی مرکزی اور پنجاب کی سینئر قیادت اعتماد کے ووٹ کے حوالے سے حکمت عملی بنائی جائے گی

ذرائع کا کہنا ہے کہ اجلاس میں وزیراعلی پنجاب کے اعتماد کے ووٹ کی حکمت عملی طے کی جائے گی۔
اس کے علاوہ وزیر اعلی پرویز الہی سے ملاقات کرنے والی کمیٹی آج عمران خان کو بریف کرے گی، ملاقات میں پرویز الہی اور مونس الہی کی جانب سے ہونے والے امور پر عمران خان کو بریفنگ دی جائے گی۔
دوسری جانب چیئرمین پی ٹی آئی عمران خان نے پارٹی کے اراکین قومی اسمبلی کا اجلاس بھی طلب کر لیا ہے۔
فواد چوہدری نے کہا کہ اجلاس 28 دسمبر کو کے پی ہا ئوس اسلام آباد میں ہوگا، عمران خان پارٹی ارکان قومی اسمبلی سے ویڈیو لنک پر خطاب کریں گے۔
ذرائع کے مطابق اجلاس میں ارکان قومی اسمبلی کے استعفوں سے متعلق حکمت عملی طے کی جائے گی۔