اردو ورلڈ کینیڈا ( ویب نیوز ) بھارت میں ڈاکوئوں کا انوکھا انداز ، اتر پردیش

میں  بینک کے لاکرز سیکشن تک پہنچنے کے لیے 10 فٹ لمبی اور 4 فٹ چوڑی

سرنگ کھود ڈالی ، باآسانی سونا چوری کرکے فرار ہونے میں کامیاب۔

بھارتی میڈیا کے مطابق اتر پردیش کے شہر کانپور میں چوروں نے فلمی انداز میں چوری کی واردات کر دی جس نے

پولیس اور بینک عملہ کو حیران کر دیا۔ جب بینک منیجر معمول کے مطابق دفتر پہنچا تو اس نے لاکر کھلے، تالے ٹوٹے اور

ایک کروڑ روپے مالیت کا 1.8 کلو سونا غائب پایا۔ پولیس کو فوراً بلایا گیا۔ پولیس نے بتایا کہ چوروں نے بینک سے متصل ایک

خالی پلاٹ سے 10 فٹ لمبی اور 4 فٹ چوڑی سرنگ کھودی اور لاکرز تک پہنچ کر انہیں صاف کیا۔ چوروں نے کیش لاکرز کو

توڑنے کی بھی کوشش کی لیکن ناکام رہے جس میں 32 لاکھ روپے تھے۔ بینک منیجر نے اپنے بیان میں کہا کہ یہ زیورات 29

شہریوں کے ہیں جنہوں نے بینک سے قرض لینے کے لیے سونا جمع کرایا تھا۔