اردو ورلڈ کینیڈا ( ویب نیوز)احتجاجی اساتذہ کے پنجاب حکومت سے مذاکرات کامیاب ہوئے ہیں جس کے بعد دھرنا ختم ہوگیا ہے
اساتذہ تنظیم کے میڈیا کوآرڈینیٹر نے دھرنا ختم کرنے کا اعلان کرتے ہوئے کہا کہ حکومت نے یقین دہانی کرائی ہے کہ گریڈ 16 کے کنٹریکٹ اساتذہ کو مستقل کرنے کا نوٹیفکیشن جلد جاری کر دیا جائے گا۔
لاہور کے زمان پارک کے سامنے اساتذہ کی جانب سے شدید سردی کے باوجود دھرنے میں بچوں اور خواتین نے بھی شرکت کی۔
اساتذہ کا مطالبہ تھا کہ حکومت پنجاب اساتذہ کو ملازمتوں پر مستقل کرے۔ دھرنے کے باعث مال روڈ، مغل پورہ اور ملحقہ سڑکوں پر ٹریفک جام رہا۔

پنجاب بھر کے اساتذہ زمان پارک کلب چوک، مال روڈ اور کینال روڈ کے باہر پانچ روز سے احتجاج کر رہے تھے۔

مظاہرین کا کہنا تھا کہ 10 ہزار سے زائد اساتذہ 14 سال سے کنٹریکٹ پر کام کر رہے ہیں۔ حکومت وعدے کرتی ہے لیکن مستقل نہیں۔

شام کے وقت بھی خون آلود سردی میں مظاہرین نے زمان پارک کے باہر دھرنا دیا، دھرنے میں خواتین اور چھوٹے بچے بھی شریک تھے۔ حکومت پنجاب کے دھرنا دینے والے اساتذہ سے مذاکرات کامیاب ہوگئے جس کے بعد احتجاجی دھرنا ختم کردیا گیا ۔