اردو ورلڈ کینیڈا ( ویب نیوز )چیئرمین پیپلز پارٹی اور وزیر خارجہ بلاول بھٹو زرداری کا کہنا ہے کہ پی ٹی آئی ارکان استعفے منظور نہ کرنے کیلئے اسپیکر کے پائوں پکڑ رہے ہیں
بلاول بھٹو زرداری نے میڈیا سے گفتگو میں کہا کہ وقت آنے پر شاہ محمود قریشی اور پرویز خٹک بھی غائب ہو جائیں گے۔
بلاول بھٹو کا مزید کہنا تھا کہ عمران خان کی حکومت 6 ماہ نہیں چلے گی تو مسئلہ کیا ہے۔

عمران خان کی دوبارہ الیکشن کی ضد پوری نہیں ہو گی۔
عمران خان کی سیاست ملک کے لیے نقصان دہ ہے۔
جھوٹ، نفرت، گھیرا ئوکی سیاست سے ملک کا نقصان ہوتا ہے۔ نااہل وزیراعظم کو سیلاب سے پہلے ہٹانا خوش قسمتی تھی۔
عمران خان نے بطور وزیراعظم ایک بار بھی سیلاب سے متاثرہ علاقوں کا دورہ نہیں کیا۔
بلاول بھٹو نے کہا کہ ایم کیو ایم سے اختلافات رہے ہیں اور ہوتے رہیں گے لیکن ہمیں مل کر کام کرنے کی کوشش کرنی چاہیے۔
ہم ایم کیو ایم کے ساتھ معاہدہ کرنا چاہتے ہیں۔ ان کے ساتھ بیٹھ کر کسی بھی مسئلے پر بات کرنے کے لیے تیار ہیں۔ بلدیاتی انتخابات میں تاخیر سے انتظامی امور متاثر ہیں۔