اردو ورلڈ کینیڈا (ویب نیوز)وزیراعظم شہباز شریف کی زیر صدارت مسلم لیگ ن کی سینئر قیادت کا اجلاس ہوا، اجلاس میں وفاقی وزراء، معاونین خصوصی اور آئینی امور کے ماہرین نے شرکت کی، اجلاس میں پارٹی قائد نواز شریف اور چیف آرگنائزر مریم نواز نے ویڈیو لنک کے ذریعے شرکت کی
پارٹی ذرائع کے مطابق اجلاس میں مؤقف اختیار کیا گیا کہ لیگی اراکین اسمبلی نواز شریف کے ساتھ ہیں اور رہیں گے
پارٹی ذرائع کے مطابق نواز شریف نے ہدایت کی کہ قیادت الیکشن کے لیے خود کو تیار کرے اور کارکنوں کو بھی متحرک کرے، انتخابی مہم کے دوران عمران حکومت میں ہونے والے معاشی، سفارتی اور سیاسی نقصانات سے آگاہ کریں۔
ذرائع کے مطابق نواز شریف نے مریم نواز کو رواں ماہ کے دوران وطن واپس آنے کی ہدایت کی۔
وزیراعظم شہباز شریف نے کہا کہ سابق صدر آصف علی زرداری سے ان کی رہائش گاہ پر ملاقات کروں گا، عمران خان ملک و قوم کو بلیک میل کرنے کی کوشش کر رہے ہیں، قوم نے انہیں مسترد کر دیا ہے۔
شہباز شریف نے کہا کہ پاکستان کی معاشی صورتحال کے ذمہ دار عمران خان ہیں، ان سے کسی خیر کی توقع نہیں کی جا سکتی، امیدوار بھرپور طریقے سے الیکشن میں حصہ لیں، مریم نواز رواں ماہ پاکستان میں ہوں گی۔
