اردو ورلڈ کینیڈا ( ویب نیوز )سابق وزیر اعلیٰ پنجاب چوہدری پرویز الٰہی کا کہنا ہے کہ پی ٹی آئی والوں کو بہت کہا گیا کہ ابھی کام کرنے دیں اور اسمبلی نہ توڑیں، لیکن انہوں نے میری بات نہیں مانی۔

لاہور میں ایک تقریب سے خطاب کرتے ہوئے چوہدری پرویز الٰہی نے کہا کہ 5 سال کا کام ساڑھے 5 ماہ میں ہو گیا۔ اگر آپ کام کرتے تو آپ کو یہاں ن لیگ کے کپڑے تک نہیں ملتے، ن لیگ والے کہتے ہیں کہ شکر ہے اسمبلی ٹوٹ گئی ورنہ ہماری سیاست ختم ہو چکی ہوتی۔

چوہدری پرویز الٰہی نے کہا کہ خان صاحب کے قریبی لوگوں نے ہی پارٹی کی جڑیں کاٹیں، چار پانچ قریبی لوگوں میں سے ایک پکڑا گیا ہے۔

انہوں نے کہا کہ اللہ کے فضل اور عمران خان کے اعتماد سے مجھے وزارت اعلیٰ ملی تھی ۔ عمران خان آج بھی پاکستان کے مقبول ترین سیاسی رہنما ہیں محمود الرشید اور اسلم اقبال کے حلقے 21 ارب میں کام ہو رہا تھا، یہی لوگ کہہ رہے تھے کہ اسمبلیاں فوری تحلیل کر دیں۔

چوہدری پرویز الٰہی نے کہا کہ محسن نقوی جو کر رہے ہیں وہ دماغ سے خالی ہیں، آپ کا کام الیکشن کرانا ہے ،کوئی اچھا کام کریں تاکہ لوگ آپ کو یاد رکھیں۔ انتقامی کارروائیاں کیسے کر سکتے ہیں، الیکشن ایک ہفتے میں ہو جائیں تو کچھ نہیں کر سکتے۔