اردو ورلڈ کینیڈا ( ویب نیوز)فلپائن کے ایک ریٹیل اسٹور نے اعلان کیا ہے کہ وہ پیاز کو ایک دن کے لیے کرنسی کے طور پر استعمال کرے گا۔ اس طرح لوگوں نے بڑی تعداد میں شرکت کی اور ایک ایک پیاز کے عوض سامان خریدا۔
اس کی وجہ فلپائن میں پیاز کی شدید قلت ہے اور ایک کلو پیاز کی قیمت 2000 روپے سے زیادہ ہے۔ تاہم، فلپائن میں جاپان ہوم سینٹر کی ایک شاخ نے اعلان کیا ہے کہ وہ تمام سائز اور اقسام کے پیاز کو قبول کرتا ہے جنہیں بطور کرنسی استعمال کیا جا سکتا ہے۔
پیاز سے صارف تین منتخب اشیاء میں سے کسی ایک کا انتخاب کر سکتا ہے۔ اس کے بعد جمع شدہ پیاز غریبوں کو دیا جائے گا جو اسے برداشت نہیں کر سکتے کیونکہ پیاز بہت سے عام فلپائنی پکوانوں میں بھی ایک لازمی جزو ہے۔
اعلان کے مطابق ہفتہ 4 فروری کو اسٹور نے پیاز کو بطور نقد استعمال کیا اور یہ پیشکش صرف ایک دن کے لیے تھی۔ اس پروجیکٹ کا نام ‘عوامی کوکھ کا سودا سلف (کمیونٹی پینٹری) رکھا گیا ہے جو اپریل 2021 میں کوویڈ 19 کے تناظر میں شروع کیا گیا تھا۔ لوگ اس میں کھانے کی کوئی بھی چیز ڈال سکتے تھے اور اس کے بدلے میں کوئی بھی کھانے کی چیز اٹھا سکتے تھے اور یہ طریقہ بہت مشہور ہوا۔
اس وقت زرعی حالات اور ذخیرہ اندوزی کی سہولتوں کی کمی کے باعث ملک میں پیاز کا بحران پیدا ہوگیا ہے۔ جبکہ سرخ اور پیلے پیاز کی شدید قلت ہے۔
