اردو ورلڈ کینیڈا ( ویب نیوز)قومی کرکٹ ٹیم کے نائب کپتان اور لیگ اسپنر شاداب خان نے امید ظاہر کی ہے کہ وہ اپنی اہلیہ کے لیے اچھے شوہر ثابت ہوں گے۔
واضح رہے کہ شاداب خان آج اپنی دلہن کو لینے راولپنڈی پہنچے، ان کی اہلیہ سابق ہیڈ کوچ ثقلین مشتاق کی بیٹی ہیں۔
شاداب خان نے سماجی رابطے کی ویب سائٹ پر د لہا بننے کے بعد اپنی تصاویر شیئر کیں جس میں وہ سفید شیروانی میں ملبوس ہیں۔ اور اللہ کا شکر ادا کرتے ہوئے لکھا کہ آج میری بارات ہے جو کہ میرے اور میری فیملی کے لیے ایک شاندار دن ہے۔
انہوں نے لکھا کہ مجھے امید ہے کہ میں اپنی بیوی کے لیے ایک اچھا شوہر بنوں گا۔ اس کے ساتھ ہی شاداب خان نے فیملی کی پرائیویسی کا خیال رکھنے پر سب کا شکریہ ادا کیا۔
شائقین اور ساتھی کرکٹرز نے شاداب خان کی تصاویر پر کمنٹس کرتے ہوئے انہیں مبارکباد دی جب کہ کچھ صارفین نے لکھا کہ ‘شاداب دولہے کی طرح لگ رہے ہیں
واضح رہے کہ شاداب خان نے گزشتہ ماہ پاکستان کے سابق ٹیسٹ کرکٹر اور پاکستان کرکٹ ٹیم کے سابق ہیڈ کوچ ثقلین مشتاق کی بیٹی سے شادی کی تھی۔ ایک روز قبل شاداب خان کے گھر مہندی کی تقریب ہوئی تھی جس کی تصاویر اور ویڈیوز فاسٹ بولر حسن علی کی اہلیہ سامعہ نے سوشل میڈیا پر شیئر کی تھیں۔
