اردو ورلڈ کینیڈا ( ویب نیوز)محکمہ موسمیات کے مطابق گلگت بلتستان اور کشمیر میں بارش کا امکان ہے جب کہ اسلام آباد میں مطلع ابر آلود رہے گا جب کہ پہاڑوں پر ہلکی بارش اور پہاڑوں پر برفباری کا امکان ہے۔

محکمہ موسمیات نے کشمیر، گلگت بلتستان، بالائی خیبرپختونخوا، مری اور گلیات میں ہلکی  برفباری کی پیش گوئی کی ہے۔

دوسری جانب آزاد کشمیر میں   پہاڑوں پر بارش کا سلسلہ تھم گیا ہے جب کہ وادی  لیپہ، وادی نیلم سمیت کئی بالائی علاقوں میں سردی بڑھ گئی ہے۔

برفباری کے باعث وادی لیپہ، گریس ویلی، فرود کہوٹہ حویلی کی شاہراہیں بند ہوگئیں  بعد ازاں بالائی علاقوں میں نظام زندگی درہم برہم ہو کر رہ گیا ہے۔

کوئٹہ سمیت بلوچستان کے بیشتر اضلاع میں موسم سرد اور خشک ہے، محکمہ موسمیات کے مطابق آئندہ 24 گھنٹوں کے دوران صوبے کے بیشتر اضلاع میں موسم سرد اور خشک رہنے کا امکان ہے۔

محکمہ موسمیات کے مطابق آج ملک کے مختلف علاقوں میں کم سے کم درجہ حرارت لیہہ میں منفی 07 ڈگری سینٹی گریڈ، گوپس، کالام میں منفی 05، پارا چنار میں منفی 04 ڈگری سینٹی گریڈ، استور، اسکردو میں منفی 03 ڈگری سینٹی گریڈ ریکارڈ کیا گیا۔ بگروٹ، ہنزہ اور مالم جبہ منفی 02 ڈگری سینٹی گریڈ