اردو ورلڈ کینیڈا ( ویب نیوز ) سپریم کورٹ نے پنجاب اور خیبرپختونخوا میں انتخابات میں تاخیر کا نوٹس لے لیا۔

جسٹس اعجاز الاحسن اور جسٹس مظاہر علی اکبر نقوی نے ازخود نوٹس کے لیے معاملہ چیف جسٹس کو بھجوا دیا۔

چیف جسٹس نے معاملے پر ازخود نوٹس لیتے ہوئے ازخود نوٹس کی سماعت کے لیے 9 رکنی لارجر بینچ تشکیل دے دیا۔لارجر بینچ کل کیس کی سماعت کرے گا۔ چیف جسٹس کی سربراہی میں بنچ میں جسٹس اعجاز الاحسن، جسٹس منصور علی شاہ، جسٹس منیب اختر، جسٹس یحییٰ آفریدی، جسٹس مظاہر علی اکبر نقوی، جسٹس جمال خان مندوخیل، جسٹس محمد علی مظہر اور جسٹس اطہر من اللہ شامل ہیں۔

ازخود نوٹس کی سماعت کل 23 فروری دوپہر 2 بجے ہوگی۔ سپریم کورٹ کا کہنا ہے کہ ازخود نوٹس میں دیکھا جائے گا کہ انتخابات کی تاریخ دینے کا اختیار کس کے پاس ہے؟ پنجاب اور خیبرپختونخوا میں آئین کے مطابق انتخابات کرانا حکومت کی ذمہ داری ہے۔