اردو ورلڈ کینیڈا ( ویب نیوز)اسلام آباد کی عدالت نے دفاعی تجزیہ کار اور لیفٹیننٹ جنرل ریٹائرڈ امجد شعیب کے جسمانی ریمانڈ پر نظرثانی کی درخواست پر محفوظ فیصلہ سناتے ہوئے ان کی فوری رہائی کا حکم دے دیا۔

ڈسٹرکٹ اینڈ سیشن کورٹ اسلام آباد کے ایڈیشنل سیشن جج طاہر عباس سپرا نے اداروں کے خلاف اکسانے کے کیس کی سماعت کی۔ سماعت کے دوران امجد شعیب کے وکیل میاں اشفاق نے دلائل دیئے۔پراسیکیوٹر نے امجد شعیب کو کیس سے بری کرنے کی مخالفت کی۔

ایڈیشنل سیشن جج طاہر عباس سپرا نے فریقین کے دلائل مکمل ہونے کے بعد فیصلہ محفوظ کرلیا، کچھ دیر بعد عدالت نے امجد شعیب کو کیس سے بری کردیا۔

واضح رہے کہ اسلام آباد پولیس نے لیفٹیننٹ جنرل(ر) امجد شعیب کو 27 فروری کو ان کی رہائش گاہ سے گرفتار کیا تھا، ان پر لوگوں کو اداروں کے خلاف اکسانے کا الزام ہے۔