اردو ورلڈ کینیڈا ( ویب نیوز ) چیئرمین پی ٹی آئی عمران خان کے خلاف زمان پارک میں ہنگامہ آرائی کا مقدمہ درج کرلیا گیا۔
چیئرمین پی ٹی آئی عمران خان کے خلاف زمان پارک میں ہنگامہ آرائی کا مقدمہ درج کرلیا گیا، مقدمہ نمبر 410/23 ریس کورس تھانے میں درج کیا گیا۔
مقدمہ ایس ایچ او ریس کورس ریحان انور کی مدعیت میں درج کیا گیا، مقدمے میں دہشت گردی سمیت 20 دفعات شامل کی گئی ہیں۔ عمران خان کے خلاف درج مقدمے کی ایف آئی آر میں لکھا گیا ہے کہ تحریک انصاف کے رہنماؤں اور سینکڑوں کارکنوں نے عمران خان کے خلاف سنگین جرائم کا ارتکاب کیا ہے .
عمران خان اور ان کے ساتھیوں پر مجرمانہ سازش کے الزامات بھی عائد کیے گئے ہیں۔مقدمے میں ہنگامہ آرائی، مسلح افراد کی غیر قانونی جمعیت اور سمن وصول کرنے سے انکار کی دفعات شامل ہیں جبکہ حکومت میں مداخلت، مجرموں کو پناہ دینے کی دفعات بھی شامل ہیں۔
ایف آئی آر میں مزید کہا گیا ہے کہ پی ٹی آئی کے کارکنوں نے عوام کو مشکلات اور پریشانی میں مبتلا کیا۔ کارکنوں نے پٹرول بموں کا استعمال کیا اور سرکاری املاک کو نقصان پہنچایا۔ اس کے علاوہ کارکنوں کے حملوں میں ڈی آئی جی اسلام آباد سمیت 63 پولیس اہلکار زخمی ہوئے۔
