اردو ورلڈ کینیڈا ( ویب نیوز )  کرونا کی ابتدا کہاں سے ہوئی؟ امریکی انٹیلی جنس نے کیا دریافت کیا؟ امریکی صدر جو بائیڈن نے خفیہ معلومات جاری کرنے کے قانون پر دستخط کر دیئے۔

کرونا کےحوالے سے غیر ملکی میڈیا رپورٹس کے مطابق امریکی صدر جو بائیڈن کا کہنا ہے کہ ہمیں اس تہہ تک پہنچنے کی ضرورت ہے جہاں سے کووِڈ 19 شروع ہوا جس میں ووہان انسٹی ٹیوٹ آف وائرولوجی سے ممکنہ روابط بھی شامل ہیں۔

بائیڈن نے کہا کہ 2021 میں عہدہ سنبھالنے کے بعد، انہوں نے انٹیلی جنس کمیونٹی کو ہدایت کی کہ وہ تحقیقات کے لیے اپنے اختیار میں موجود ہر ٹول کو استعمال کرے۔ انہوں نے کہا کہ یہ کام ابھی جاری ہے، قومی سلامتی کو نقصان پہنچائے بغیر جتنی معلومات ہوسکے جاری کی جائیں گی۔ واضح رہے کہ دنیا بھر میں کورونا وائرس سے 70 لاکھ سے زائد افراد ہلاک ہو چکے ہیں۔