اردوورلڈ کینیڈا ( ویب نیوز )پاکستان تحریک انصاف (پی ٹی آئی) کے چیئرمین عمران خان نے انتخابات کے حوالے سے ‘وسیع تر قومی اتفاق رائےکے لیے حریف سیاسی جماعتوں کے ساتھ بیٹھنے پر اتفاق کیا ہے۔
رپورٹ کے مطابق سابق وزیراعظم عمران خان نے سیاسی تناؤ کم کرنے کے لیے ان سے ملاقات کرنے والے سول سوسائٹی کے ارکان سے ملاقات کے بعد حریف سیاسی جماعتوں کے ساتھ بیٹھنے پر رضامندی ظاہر کی ہے۔
جس وفد نے پی ٹی آئی کے چیئرمین عمران خان سے بطور ‘ثالث ملاقات کی وہ عمران خان کو کثیر الجماعتی کانفرنس میں شرکت کے لیے راضی کرنے گیا اور وفد کا کہنا تھا کہ دیگر جماعتیں بھی سیاسی اور انتخابی عمل کے اہم اسٹیک ہولڈرز ہیں۔
بعد ازاں پی ٹی آئی رہنما فواد چوہدری نے بھی اس پیشرفت کی تصدیق کرتے ہوئے کہا کہ سول سوسائٹی نے عمران خان سے ملاقات کی ہے اور انہیں انتخابات کی تاریخ اور انتخابات کے عمل کے حوالے سے ملٹی پارٹی کانفرنس (ایم پی سی) کا حصہ بننے کو کہا ہے۔ اس پر اتفاق ہو گیا ہے۔‘‘
میٹنگ کے ایک رکن نے شناخت ظاہر کرنے سے انکار کیا اور کہا کہ عمران خان کے ساتھ بامعنی بات چیت ہوئی پہلے تمام اسٹیک ہولڈرز کے لیے سخت موقف رکھتے تھے اب وہ ساتھ بیٹھنے کو تیار ہیں
اندرونی ذرائع نے بتایا کہ پارٹی کے اندر ثالث سول سوسائٹی کے نمائندوں سے رابطے میں تھے اور ان پر زور دیا کہ وہ سیاسی تناؤ کو کم کرنے میں اپنا کردار ادا کریں۔
