اردو ورلڈ کینیڈا ( ویب نیوز ) سام سنگ نے اب آئی فون صارفین کو راغب کرنے کے لیے ایک نیا حربہ استعمال کیا ہے جسے اب ‘ٹرائی گلیکسی کے نام سے متعارف کرایا گیا ہے۔

سام سانگ کی اس ایپ کو انسٹال کرنے کے بعد آئی فون صارفین گلیکسی ایس 23 ڈسپلے اور یوزر انٹرفیس استعمال کر سکیں گے۔

Galaxy S23، Galaxy Z Flip Four، اور Galaxy Z Fold Four کو ٹرائی گلیکسی سے عملی طور پر تجربہ کیا جا سکتا ہے۔ سام سنگ کے مطابق ‘ٹرائی گلیکسی ایپ ٹیوٹوریل اور ہدایات بھی فراہم کرتی ہے تاکہ آئی فون استعمال کرنے والے اسے استعمال کرسکیں۔

لیکن تجزیہ کاروں کے مطابق، آپ کو جلد ہی احساس ہو جائے گا کہ آپ اپنے فون کو اس کے اصل سافٹ ویئر کے بجائے کسی ویب ایپ سے چلا رہے ہیں۔ ایپ کی بدولت سام سنگ کے تمام فیچرز استعمال کیے جا سکتے ہیں۔

دوسری جانب سام سنگ کیمرہ اور آبجیکٹ ایریزر کے کچھ فیچرز بھی استعمال کیے جاسکتے ہیں جو کہ تصویر کو غیر ضروری عناصر سے صاف کرنے کے لیے بالکل گوگل ایریزر کی طرح کام کرتا ہے۔لیکن کچھ تجزیہ کاروں نے اسے منفی نمبر دیا ہے اور اسے سام سنگ کا ایک حربہ قرار دیا ہے۔