اردو ورلڈ کینیڈا ( ویب نیوز )تحریک انصاف نے خیبرپختونخوا اسمبلی انتخابات کے لیے سپریم کورٹ میں درخواست دائر کرنے کا فیصلہ کیا ہے۔

پاکستان تحریک انصاف خیبرپختونخوا کے ترجمان کا کہنا ہے کہ صوبے میں انتخابات کے انعقاد کے حوالے سے آج سپریم کورٹ میں درخواست دائر کی جائے گی جس میں نوے روز میں انتخابات کی تاریخ مقر ر کرنے کا کہا جائے گا۔ گورنر خیبرپختونخوا حاجی غلام علی کے عدالتی احکامات کے باوجود تاریخ نہ دینے کا معاملہ بھی اٹھا یا جائے گا۔
پی ٹی آئی کے مطابق سپریم کورٹ آف پاکستان نے خیبرپختونخوا کے معاملے کو الگ سے دیکھنے کا فیصلہ جاری کرتے ہوئے آئین کے مطابق پنجاب میں نوے روز میں الیکشن کرانے کا حکم دیا ہے۔ الگ سے سپریم کورٹ میں ایک رٹ پٹیشن دائر کی جا رہی ہے۔
سابق صوبائی وزیر تیمور جھگڑا کا کہنا ہے کہ خیبرپختونخوا اسمبلی الیکشن کے لیے سپریم کورٹ میں درخواست دائر کی جائے گی۔