اردو ورلڈ کینیڈا ( ویب نیوز )پاکستان مسلم لیگ ن کی سینئر نائب صدر مریم نواز کا کہنا ہے کہ عمران خان اور سہولت کاروں نے نئے چیف جسٹس کی آمد تک کام کی ٹائم لائن بنا لی ہے۔

مریم نواز نے راولپنڈی میں وکلا کنونشن سے خطاب کرتے ہوئے کہا کہ مجھ پر اور میری پارٹی پر جھوٹے مقدمات بنائے گئے۔ پاکستان کی 76 سالہ تاریخ میں آج تک کسی وزیراعظم نے آئینی مدت پوری نہیں کی۔ کسی عدالت نے کبھی کسی آمر کے سامنے کھڑے ہونے کی جرات نہیں کی بلکہ اس کا ساتھ دیا۔ عمران خان کی دو، دو گھنٹے میں ضمانت ہو گئی۔ تین، چار ججز عمران خان کے ساتھ ہیں باقی عوام کے ساتھ ہیں۔
مریم نواز نے مزید کہا کہ آج تک کسی ڈکٹیٹر کو سسلین مافیا کا خطاب نہیں دیا گیا۔ تین، چار ججز عمران خان کے ہیں جبکہ باقی ججز عوام کے ساتھ کھڑے ہیں۔ اپنے آپ کو لیڈر کہنے والا گیدڑ جب گھر سے نکلتا ہے تو منہ پر بلیک باکس ڈالتا ہے۔ عمران خان اور ان کے سہولت کار جانتے ہیں کہ وہ مجرم ہیں۔
انہوں نے کہا کہ پی ٹی آئی کے ارکان بھی ججز کی توہین کر رہے ہیں
نااہلی سے نہیں ڈرتی چھ سال سے نااہلی کا شکار رہی ہوں۔ پانچ رکنی بنچ نے کہا کہ عمران خان نے آئین توڑا، کیا آئین توڑنا چھوٹا جرم ہے؟ عمران خان اور سہولت کاروں نے نئے چیف جسٹس کی آمد تک کام کی ٹائم لائن بنا لی ہے۔
مریم نواز نے کہا کہ یہ آٹے کی لکیریں چھوٹی ہیں اور انصاف مانگنے والوں کی لکیریں لمبی ہیں