اردو ورلڈ کینیڈا ( ویب نیوز)پاکستان تحریک انصاف کے سینئر نائب صدر فواد چوہدری نے  رات گئے الٹی میٹم دیتے ہوئے کہا ہے کہ سپریم کورٹ کے فیصلے سے انحراف کرنے والے وزرا کے خلاف ریفرنس دائر کریں گے۔

لاہور میں عدالت کے باہر میڈیا سے بات کرتے ہوئے فواد چوہدری کا کہنا تھا کہ سپریم کورٹ کے فیصلے پر عملدرآمد نہ ہوا تو تین سال تک جیل ہو سکتی ہے۔ عدالت کا فیصلہ کسی فریق کی نہیں پاکستان کی فتح ہے۔

سپریم کورٹ کے فیصلے کے خلاف حکومت کا اسمبلی میں قرارداد لانے کا فیصلہ

انہوں نے کہا کہ جن وزراء نے کابینہ کے فیصلے میں حصہ لیا  ان کے خلاف آرٹیکل 63 اے کے تحت الیکشن کمیشن کو ریفرنس بھیجیں گے۔ فواد چوہدری نے مزید کہا کہ مریم نواز شہباز شریف کے خلاف سازش کر رہی ہیں۔

دوسری جانب پی ٹی آئی رہنما حماد ا ظہرنے کہا کہ عدلیہ نے آئین کو بحال کرکے جمہوریت کو بچایا، قانون اور آئین کے اندر رہتے ہوئے کوئی اور فیصلہ نہیں کیا جاسکتا تھا، ملک میں معاشی استحکام سیاسی استحکام سے ہی آسکتا ہے