اردو ورلڈ کینیڈا ( ویب نیوز)پاکستان مسلم لیگ (ن) کی چیف آرگنائزر مریم نواز عمرہ کی ادائیگی کے لیے سعودی عرب روانہ ہوگئیں۔
ذرائع کے مطابق مریم نواز کے ہمراہ ان کے شوہر کیپٹن (ر) صفدر، دو بیٹیاں ماہ نور اور مہر النساء، بیٹا جنید اور بہو عائشہ سیف ہیں۔
سعودی عرب روانگی سے قبل مریم نواز نے لاہور ایئرپورٹ جاتے ہوئے تصاویرشیئر کیں
اس کے علاوہ ڈاکٹر عدنان، چوہدری منیر، راحیل منیر، شیخ آصف اور مرزا جاوید بھی مریم نواز کے ہمراہ ہیں۔
سعودی عرب روانگی سے قبل مسلم لیگ ن کے رہنما نے ایئرپورٹ سے اپنے ٹوئٹر اکاؤنٹ پر ایک تصویر بھی شیئر کی جس میں انہوں نے اللہ حافظ لکھا۔
سعودی عرب روانگی سے قبل مریم نواز جاتی عمرہ سے لاہور ائیرپورٹ جاتے ہوئے. دیکھیے خصوصی مناظر#dunyanew #MaryamNawaz #umrah pic.twitter.com/C6Hk3sdeGj
— Dunya News (@DunyaNews) April 10, 2023
واضح رہے کہ مریم نواز سعودی عرب میں اپنے والد اور سابق وزیراعظم نواز شریف سے بھی ملاقات کریں گی۔
یاد رہے کہ سابق وزیراعظم نواز شریف لندن سے سعودی عرب پہنچیں گے، نواز شریف اور مریم نواز سعودی عرب میں شاہی خاندان کے مہمان خصوصی ہوں گے۔
خاندانی ذرائع کے مطابق مریم اور نواز شریف سعودی شاہی قیادت سے ملاقاتیں بھی کریں گے اور آخری عشرہ مکہ اور مدینہ میں گزاریں گے۔
