اردو رورلڈ کینیڈا ( ویب نیوز )حکومت نے انٹرنیشنل مانیٹری فنڈ کو 3 ارب ڈالر کی اضافی فنانسنگ کا منصوبہ دے دیا ہے۔

وزارت خزانہ کے ذرائع کے مطابق حکومت نے مزید 3 ارب ڈالر کا فنانسنگ پلان آئی ایم ایف سے شیئر کر دیا ہے، ورلڈ بینک، ایشین انفراسٹرکچر بینک سمیت کمرشل بینکوں سے فنڈز ملنے کا امکان ہے۔
وزارت خزانہ کے حکام کے مطابق رائز ٹو پروگرام کے تحت 450 ملین ڈالر کی فنڈنگ ملنے کا امکان ہے، جنیوا ڈونرز کانفرنس سے متوقع فنڈز کا پلان بھی آئی ایم ایف کو فراہم کر دیا گیا۔
وزارت خزانہ نے آئی ایم ایف سے پہلے عملے کی سطح پر معاہدہ کرنے کو کہا ہے۔
وزارت خزانہ کے حکام کا کہنا ہے کہ سٹاف لیول کے معاہدے کے بعد فنانسنگ کا انتظام آسان ہو جائے گا، وزارت خزانہ آئی ایم ایف کے جواب کا انتظار کر رہی ہے۔