اردو ورلڈ کینیڈا ( ویب نیوز )فلپائن سے تعلق رکھنے والی مشہور ٹک ٹاکر فیونا جیمز نے رمضان کے مقدس مہینے میں اذان سے متاثر ہو کر اسلام قبول کیا اور اپنے لیے زینب نام کا انتخاب کیا۔

خلیج ٹائمز کے مطابق فلپائن سے تعلق رکھنے والی ٹک ٹاکر فیونا جیمز 8 سال سے متحدہ عرب امارات میں مقیم ہیں۔ اذان کی آواز اس قدر مسحور کن محسوس ہوئی کہ وہ راہِ راست کی تلاش میں نکل پڑی۔
سچ کی طرف اس سفر میں پاکستانی ٹک ٹاکرسلمان نے فیونا جیمز کی بہت مدد کی۔ آخر کار فلپائنی ٹک ٹاکر کو ذہنی سکون ملا اور کائنات کی سب سے بڑی سچائی اس پر آشکار ہوئی۔
فیونا جیمز نے دبئی کے اسلامک انفارمیشن سینٹر میں اسلام قبول کیا۔ اس کا نام زینب رکھا گیا اور اب وہ قرآن پڑھنے کے لیے آن لائن کلاسز لے رہی ہے۔
فیونا جیمز کا کہنا تھا کہ جب سے یو اے ای آ ئی ہوں۔ مجھے اذان کی آواز میں کشش محسوس ہوئی۔ جیسے کوئی مجھے بلا رہا ہو۔ پہلے میں نے سوچا کہ یہ میرا خیال ہے۔
فیونا جیمز کے مطابق یہ صورتحال بڑھی تو میں نے اسلام کے بارے میں جاننے کی کوشش کی۔