اردوورلڈ کینیڈا ( ویب نیوز)سابق صدر آصف علی زرداری نے کہا ہے کہ پاکستان پیپلز پارٹی کارکنوں کی جماعت ہے اور کارکنوں اور مزدوروںکے حقوق کا تحفظ کرتی رہے گی۔

یوم مزدور کے حوالے سے اپنے خصوصی پیغام میں آصف علی زرداری نے کہا کہ ذوالفقار علی بھٹو شہید اور محترمہ بے نظیر بھٹو شہید نے ہمیشہ مزدوروں کا ساتھ دیا۔ .
پیپلز پارٹی کے شریک چیئرمین آصف زرداری نے مزید کہا کہ آج بدترین مہنگائی کے باعث محنت کش طبقہ معاشی بحران کا شکار ہے۔ ریٹائرڈ ملازمین کی تنخواہوں اور پنشن میں اضافے کی ضرورت ہے
انہوں نے کہا ہے کہ پیپلز پارٹی اقتدار میں آنے کے بعد کارکنوں کے مسائل ترجیحی بنیادوں پر حل کرے گی۔ روٹی، کپڑا اور مکان پیپلز پارٹی کا منشور ہے۔ پیپلز پارٹی بلاول بھٹو زرداری اپنے دادا شہید اور والدہ شہید کی طرح کارکنوں کا ساتھ دے گی۔