اردوورلڈ کینیڈا ( ویب نیوز )شہر میں 9 مئی کے پرتشدد واقعات کے سلسلے میں پی ٹی آئی کے کارکنوں کی گرفتاریوں کے خلاف کریک ڈاؤن تیز ہو گیا ہے۔
ذرائع کے مطابق پولیس نے رات گئے کراچی شہر بھر میں چھاپے مار کر پی ٹی آئی کے کارکنوں اور عہدیداروں سمیت دیگر کی گرفتاری بھی کی۔ اقبال، گلستان جوہر، نارتھ ناظم آباد، آرام باغ اور بلدیہ ٹاؤن سمیت دیگر علاقوں میں کیا گیا۔
پولیس نے ہنگامہ آرائی، جلاؤ گھیراؤ اور پرتشدد واقعات میں مختلف علاقوں سے پی ٹی آئی کے متعدد کارکنوں اور عہدیداروں کو گرفتار کیا ہے۔
ساؤتھ زون پولیس نے پی ٹی آئی کے احتجاج کے دوران آتش زنی، گھیراؤ اور املاک کو نقصان پہنچانے کے الزام میں پی ٹی آئی کے 3 کارکنوں کو گرفتار کرلیا۔ اس حوالے سے ترجمان جنوبی پولیس کے مطابق گرفتار ملزمان میں شیر علی، نوید اور صابر شامل ہیں۔ ابتدائی تحقیقات کے بعد انہیں ٹیپو سلطان تھانے منتقل کر دیا گیا جبکہ ملزمان 9 مئی کو شارع فیصل پر احتجاج کے دوران ہنگامہ آرائی، جلاؤ گھیراؤ اور سرکاری بس کو جلانے میں ملوث ہیں۔
پولیس کے مطابق گرفتار ملزم شیر علی کے قبضے سے اسلحہ بھی برآمد ہوا ہے۔
علاوہ ازیں پولیس نے ماڑی پور کے علاقے سے پی ٹی آئی رہنما امین خان، نیو کراچی سے یوسی کونسلر نوید، شاہ جہاں عرف ساجن، لیاقت آباد ٹاؤن سے زاہد خانزادہ، ناظم آباد سے سعید الملوک، لیاری سے شاہ فیصل اور شیر زمان کو گرفتار کیا۔ .
پولیس نے آرام باغ کے علاقے میں بھی کارروائی کرتے ہوئے پی ٹی آئی کے متعدد کارکنوں کو گرفتار کر لیا۔
