اردو ورلڈ کینیڈا ( ویب نیوز )تحریک انصاف خیبرپختونخوا کے صدر اور سابق وزیر دفاع پرویز خٹک نے بھی پارٹی سے مستعفی ہونے کا اعلان کر دیا ہے۔

میڈیا سے گفتگو کرتے ہوئے پرویز خٹک نے کہا کہ میں کئی دنوں سے ملکی سیاسی صورتحال کو دیکھ رہا ہوں۔ 9 مئی کو جو بھی ہوا، کوئی خوش نہیں ہے۔ 9 مئی کے واقعے کی مذمت کر چکا ہوں۔ ٹی وی پر جو پروپیگنڈا کیا جا رہا ہے وہ درست نہیں۔

پرویز خٹک پارٹی عہدہ چھوڑ گئے پریس کلب نہیں گئے گھر سے بات کر دی pic.twitter.com/p1E0KD9JG5

— Aamir Ilyas Rana (@RanaAamirilyas) June 1, 2023

خیبرپختونخوا کے سابق وزیر اعلیٰ اور وزیر دفاع پرویز خٹک نے مزید کہا ہے کہ اس وقت ملک کا سیاسی ماحول بہت خراب ہے اور اس ماحول میں کام کرنا مشکل ہے، جس کی وجہ سے میں نے پارٹی عہدہ چھوڑنے کا فیصلہ کیا، مشاورت کے بعد آئندہ کا لائحہ عمل طے کروں گا۔