اردو ورلڈ کینیڈا ( ویب نیوز ) مغربی کنارے میں سرچ آپریشن کے دوران اسرائیلی فوج نے ایک گھر پر اندھا دھند فائرنگ کرکے 2 فلسطینی نوجوانوں حمزہ مقبول اور خیری شاہین کو شہید کردیا۔

نابلس میں ان دونوں پر چھاپے کے دوران اسرائیلی فوج نے ایک گھر کا دروازہ گولیوں سے چھلنی کر دیا اور زبردستی گھر میں گھس گئے۔

یہ بھی پڑھیں

اسرائیل کی ریاستی دہشت گردی ، ایک اور فلسطینی شہید

اسرائیلی فوج نے فائرنگ کر کے گھر میں موجود دو نوجوانوں کو شدید زخمی کر دیا ۔ سرچ آپریشن مکمل ہونے کے بعد اہل خانہ اپنے پیاروں کو ہسپتال لے گئے۔فلسطینی ہلال احمر سوسائٹی کی جانب سے جاری کردہ ایک بیان میں کہا گیا ہے کہ ان نوجوانوں کو ہسپتال لایا گیا تھا لیکن زیادہ خون بہہ جانے کے باعث وہ ہسپتال پہنچنے سے پہلے ہی دم توڑ گئے۔ اگر انہیں بروقت لایا جاتا تو ان کی جان بچائی جا سکتی تھی۔

مزید پڑھیں

اسرائیلی بربریت جاری،فائرنگ اور دیگر واقعات میں مزید22 فلسطینی شہید

واضح رہے کہ نابلس میں سرچ آپریشن سے قبل اسرائیلی فوج نے جنین پناہ گزین کیمپ کا تین روز تک محاصرہ کرکے سرچ آپریشن کیا تھا جس کے دوران 12 فلسطینی شہید جب کہ 150 کے قریب زخمی ہوگئے تھے۔