اردو ورلڈ کینیڈا ( ویب نیوز ) چند ہفتے قبل اٹلی کے شہر وینس کی مشہور جھیل کا رنگ تبدیل ہونے کی خبر آئی تھی ۔

اب جاپان کے ایک بڑے دریا کا کچھ حصہ بالکل اسی طرح چمکدار سبز ہو گیا ہے۔ ماہرین نے بھی اس کی تحقیقات شروع کر دی ہیں۔

مغربی جاپان کے مشہور شہر اوساکا کے قریب اکوما کے علاقے میں واقع تاتسوتا جھیل کے لوگ خوف میں مبتلا ہیں کیونکہ ایک صبح جھیل کی اکثریت چمکدار سبز رنگ میں تبدیل ہو گئی ہے۔ کچھ لوگوں کا خیال ہے کہ کسی نے نہانے کے نمکیات کی بڑی مقدار جھیل میں ڈالی اور اس کیمیائی عمل سے پانی کا رنگ بدل گیا۔

یہ بھی پڑھیں

جانداروں کے جسم کو پتھر میں بدلنے والی انوکھی جھیل

شہری انتظامیہ نے عوام کو جھیل سے دور رہنے کا مشورہ دیا ہے اور ابتدائی تحقیقات میں کچھ شواہد سامنے آئے ہیں۔ دریا کے کنارے سوڈیم فلوروسین کی بڑی مقدار ملی جسے سڑک سے پھینک دیا گیا۔ اس کا رنگ سرخ ہوتا ہے لیکن پانی میں ملا کر سبز ہو جاتا ہے۔ یہ عام طور پر نہانے کے نمکیات میں استعمال ہوتا ہے۔تاہم ماہرین کا خیال ہے کہ سوڈیم فلوروسین جسمانی اور کیمیائی طور پر صحت کے لیے نقصان دہ نہیں ہے۔ تاہم زراعت میں اس کا استعمال نقصان دہ ہو سکتا ہے۔