اردو ورلڈ کینیڈا ( ویب نیوز)مسلم لیگ (ن) نے وفاقی وزیر خزانہ اسحاق ڈار کو نگرا ن وزیراعظم نامزد کر دیا ہے۔مسلم لیگ (ن) کے ذرائع کے مطابق نگران وزیراعظم کے حوالے سے مشاورت جاری ہے، اسحاق ڈار کے نام پر پیپلز پارٹی اور دیگر جماعتوں کو اعتماد میں لیا جا رہا ہے۔

دونوں جماعتوں کی اعلیٰ قیادت کی ملاقاتوں میں اسحاق ڈار کے معاملے پر اتفاق رائے کا امکان ہے، دونوں فریقین کی مشاورتی کمیٹیوں کا اجلاس جلد متوقع ہے۔
دوسری جانب پیپلز پارٹی نے بھی نگرا ن حکومت کے معاملے پر مشاورت کے لیے کمیٹی قائم کر دی ہے، کمیٹی میں وفاقی وزراء خورشید شاہ، نوید قمر اور سابق وزیراعظم یوسف رضا گیلانی شامل ہیں۔
قبل ازیں مسلم لیگ (ن) کے رہنما اور وفاقی وزیر احسن اقبال نے نجی ٹی وی سے گفتگو کرتے ہوئے کہا کہ اگر اتحادی جماعتیں اور اپوزیشن اسحاق ڈار پر متفق ہو جائیں تو انہیں نگران وزیراعظم بنایا جائے گا۔
انہوں نے کہا ہے کہ جو شخص نگران وزیراعظم ہوگا اس کے لیے ضروری ہے کہ حکمران اتحاد بھی اس سے متفق ہو اور پھر اپوزیشن رہنما بھی اس سے متفق ہوں، اس لیے اس وقت قیاس آرائیاں کرنا قبل از وقت ہے