اردوورلڈ کینیڈا( ویب نیوز)حکومت نے پٹرولیم مصنوعات کی قیمتوں میں اضافہ کر دیا۔وزیر خزانہ اسحاق ڈار نے نیوز کانفرنس کرتے ہوئے پیٹرولیم مصنوعات کی قیمتوں کا اعلان کیا۔

وزیر خزانہ کے مطابق ہائی سپیڈ ڈیزل کی قیمت میں 19 روپے 90 پیسے کا اضافہ کیا گیا ہے جس کے بعد نئی قیمت 273 روپے 40 پیسے ہو گی۔
انہوں نے کہا کہ پیٹرول کی قیمت میں 19 روپے 95 پیسے کا اضافہ کیا گیا ہے جس کے بعد پیٹرول کی نئی قیمت 272 روپے 95 پیسے ہوگئی ہے۔
وزیر خزانہ نے کہا کہ پیٹرول اور ڈیزل کی قیمتوں میں اضافے کا اطلاق فوری طور پر ہوگا۔