اردوورلڈ کینیڈا ( ویب نیوز )نئی ڈیجیٹل مردم شماری کے نتائج کا گزٹ نوٹیفکیشن جاری کر دیا گیا ہے جس کے مطابق پاکستان کی کل آبادی 24 کروڑ 14 لاکھ 99 ہزار 431 ہو گئی ہے۔
نوٹیفکیشن کے مطابق صوبہ پنجاب کی کل آبادی 12 کروڑ 76 لاکھ 88 ہزار 922، سندھ کی کل آبادی 5 کروڑ 56 لاکھ 96 ہزار 147 افراد، خیبرپختونخوا کی کل آبادی 4 کروڑ 85 لاکھ 6 ہزار 95 ہے جبکہ بلوچستان کی کل آبادی 1 کروڑ 48 لاکھ 94 ہزار 402 ہے اور اسلام آباد کی آبادی 23 لاکھ 63 ہزار 863 افراد پر مشتمل ہے۔

گزٹ نوٹیفکیشن میں کہا گیا ہے کہ پاکستان کی شہری آبادی 9 کروڑ 37 لاکھ 50 ہزار 724 افراد پر مشتمل ہے جبکہ دیہی آبادی 14 کروڑ 77 لاکھ 48 ہزار 707 ہے، لاہور ڈویژن کی کل آبادی 2 کروڑ 27 لاکھ 72 ہزار 710، کراچی ڈویژن کی کل آبادی 2 کروڑ 3 لاکھ 82 ہزار 881 روپے ہے۔
اسی طرح پشاور ڈویژن کی کل آبادی 1 کروڑ 35 ہزار 171 اور کوئٹہ ڈویژن کی کل آبادی 42 لاکھ 59 ہزار 163 افراد پر مشتمل ہے۔
نوٹیفکیشن میں مزید کہا گیا ہے کہ پنجاب میں آبادی میں اضافے کی شرح 2.53 فیصد، سندھ میں 2.57 فیصد، بلوچستان میں 3.20 فیصد، خیبرپختونخوا میں 2.38 فیصد اور اسلام آباد میں 2.80 فیصد ہے۔