سابق وزیراعظم نواز شریف اپنے دوستوں کے ہمراہ سعودی ایئرلائن کی پرواز ایس وی 116 کے ذریعے جدہ روانہ ہوئے۔پرواز لندن کے ہیتھرو ایئرپورٹ سے روانہ ہوئی، سعودی ایئر لائنز کی پرواز 5 گھنٹے 27 منٹ میں 4750 کلومیٹر سے زیادہ کا سفر طے کرنے کے بعد مقامی وقت کے مطابق رات 12 بجے جدہ انٹرنیشنل ایئرپورٹ پہنچی۔
سعودی ایئر لائنز نے اس پرواز کے لیے بوئنگ 787 ڈریم لائنر، ایک جدید طیارہ استعمال کیا جو صرف تین سال پرانا تھا۔ جدہ انٹرنیشنل ایئرپورٹ پر نواز شریف کا پرتپاک استقبال کیا گیا۔نواز شریف چند روز سعودی عرب میں قیام کے بعد دبئی پہنچیں گے جہاں سے وہ 21 اکتوبر کو خصوصی طیارے میں پاکستان پہنچیں گے۔واضح رہے کہ نواز شریف سعودی عرب روانہ ہونے کے لیے لندن میں اپنی رہائش گاہ ایون فیلڈ سے ہیتھرو ایئرپورٹ پہنچے، جہاں پاکستانی ہائی کمشنر ڈاکٹر محمد فیصل نے نواز شریف کا استقبال کیا۔نواز شریف کو الوداع کرنے مسلم لیگ ن کے کارکنوں کی بڑی تعداد ایون فیلڈ کے باہر پہنچ گئی