سابق امریکی صدر براک اوباما نے کہا کہ فلسطین میں جو کچھ ہو رہا ہے وہ ناقابل برداشت ہے، ہم سب اس میں کسی نہ کسی حد تک شریک ہیں۔امریکی سینیٹر اور سابق صدارتی امیدوار برنی سینڈرز نے کہا کہ غزہ کی تباہی جدید دور کے سب سے ہولناک لمحات میں سے ایک ہے۔
انہوں نے کہا کہ مہاجر کیمپوں اور ایمبولینسوں پر اندھا دھند بمباری کی جا رہی ہے، ہزاروں مرد، خواتین اور بچوں کا قتل عام کیا گیا۔برنی سینڈرز نے مزید کہا کہ یہ بین الاقوامی قوانین کی سنگین خلاف ورزیاں ہیں جو کسی صورت قابل قبول نہیں۔امریکی سینیٹر اور سابق صدارتی امیدوار نے کہا کہ فلسطینی بچے بھی اتنے ہی اہم ہیں جتنے اسرائیلی اور امریکی بچے۔
واضح رہے کہ 7 اکتوبر سے غزہ میں اسرائیل کے وحشیانہ حملوں میں شہید ہونے والے فلسطینیوں کی تعداد 9 ہزار 770 تک پہنچ گئی ہے جن میں 4 ہزار 880 بچے بھی شامل ہیں جب کہ غزہ میں 26 ہزار سے زائد فلسطینی زخمی ہیں۔
