اردو ورلڈ کینیڈا ( ویب  نیوز ) غزہ پر اسرائیل کی جنگ کے معاشی اثرات سامنے آنے لگے۔برطانوی میڈیا کے مطابق اسرائیل کے مرکزی بینک نے کہا ہے کہ جنگ کی وجہ سے اسرائیلی معیشت کو یومیہ 260 ملین ڈالر کا نقصان ہو رہا ہے، غزہ جنگ کی وجہ سے اسرائیلی معیشت کو 50 ارب ڈالر کا نقصان ہو سکتا ہے۔ اسرائیل کی افرادی قوت کی وزارت کا کہنا ہے کہ غزہ پر جنگ نے افرادی قوت میں 20 فیصد کمی کی ہے۔ برطانوی میڈیا کے مطابق جنگ کی وجہ سے اسرائیل کی شیکل 2012 کے بعد سے کم ترین سطح پر آگئی ہے، جنگ کے بعد اسرائیلی کرنسی امریکی ڈالر کے مقابلے میں 0.7 فیصد تک گر گئی ہے۔