تفصیلات کے مطابق سرفراز احمد مستقبل سے مایوس اور دل شکستہ ہو کر پاکستان چھوڑ کر اہلیہ اور دو بچوں کے ساتھ لندن چلے گئے ہیں۔ذرائع کے مطابق سرفراز احمد مستقبل سے مایوس ہونے کے باوجود قومی کرکٹ سے اپنی وابستگی جاری رکھنے کے خواہشمند ہیں اور پی ایس ایل سیزن 9 کے میچز میں شرکت کے لیے پاکستان آئیں گے اور کوئٹہ گلیڈی ایٹرز کی نمائندگی کریں گے۔سرفراز نے بطور وکٹ کیپر اور بلے باز پاکستان کے لیے خدمات انجام دیں اور ان کی قیادت میں پاکستان نے ورلڈ کپ کی دو ٹرافیاں بھی اپنے نام کیں۔واضح رہے کہ سرفراز احمد کی قیادت میں قومی ٹیم نے چیمپئنز ٹرافی اپنے نام کی تھی جب کہ انڈر 19 ٹیم 2006 میں بھی سرفراز احمد کی قیادت میں فاتح بنی تھی۔