پولیس کا کہنا ہے کہ پولیس اسٹیشن پر ہر طرف سے حملہ کیا گیا جس کے دوران دستی بم پھینکے گئے اور شدید فائرنگ کی گئی جس کے بعد پولیس نے جوابی کارروائی بھی کی تاہم رات کے اندھیرے میں دہشت گرد فرار ہوگئے.
حملے میں زخمی ہونے والوں کو ڈی ایچ کیو ہسپتال منتقل کر دیا گیا ہے.
پولیس اور سیکورٹی فورسز نے علاقے کو گھیرے میں لے کر دہشت گردوں کی تلاش کے لیے سرچ آپریشن شروع کر دیا ہے.
ہسپتال کے ذرائع کے مطابق حملے میں شہید ہونے والے پولیس اہلکاروں میں محمد اسلم، غلام فرید، محمد جاوید، محمد ادریس، محمد عمران، صفدر، اے ایس آئی کوثر، معزز سید، رفیع اللہ اور حمید الحق شامل ہیں.
نگراں وزیر اعلیٰ خیبر پختونخواہ
نگراں وزیر اعلیٰ خیبرپختونخوا جسٹس (ر) سید ارشد حسین شاہ نے حملے کی مذمت کی اور پولیس اہلکاروں کی شہادت پر افسوس کا اظہار کیا.