82
پنجاب ہوم ڈپارٹمنٹ کے مطابق قانون نافذ کرنے والے اداروں اور انٹیلی جنس ایجنسیوں نے سینٹرل جیل اڈیالہ کے حوالے سے خطرے کے الرٹ سے آگاہ کر دیا ہے.
محکمہ داخلہ کے داخلی سلامتی ونگ نے اطلاعات کی روشنی میں بتایا ہے کہ ریاست مخالف دہشت گرد گروپ جنہیںملک کے دشمنوں کی حمایت حاصل ہے، ملک بھر میں افراتفری پھیلانے کے لیے سینٹرل جیل اڈیالہ کو نشانہ بنانا چاہتے ہیں. ایسے کسی بھی سانحے سے بچنے کے لیے ضروری اقدامات کی فوری ضرورت ہے.
جیل میں کام کرنے والے سرکاری ٹھیکیداروں اور عملے کی سیکیورٹی کلیئرنس کا بھی حکم دیا گیا ہے. سیکیورٹی کو یقینی بنانے کے لیے پولیس اور رینجرز کی جانب سے فرضی ہنگامی مشقیں اور کلیئرنس آپریشن کرنے کی بھی ہدایت کی گئی ہے.
