اردو ورلڈ کینیڈ ا ( ویب نیوز ) حکومت پاکستان کا عوام کو بڑی عید پر بڑا تحفہ ، پٹرول کی قیمت میں مزید10 روپے کمی کا اعلان ،پیٹرولیم مصنوعات کی قیمتوں میں اضافے یا کمی کا اعلان ہر ماہ کی 15 اور آخری تاریخ کو کیا جاتا ہے تاہم اس بار قیمتوں میں ایک روز قبل کمی کی گئی ہے۔وزیراعظم آفس کے مطابق پیٹرول کی قیمت میں 10 روپے 20 پیسے فی لیٹر کمی کے بعد نئی قیمت 258 روپے 16 پیسے فی لیٹر ہوگی۔
وزیراعظم آفس نے بتایا کہ ڈیزل کی قیمت میں 2 روپے 33 پیسے فی لیٹر کمی کی گئی ہے اور نئی قیمت 267 روپے 89 پیسے فی لیٹر ہوگی۔
حکام کا کہنا ہے کہ اب تک عوام کو پیٹرول کی قیمت میں مجموعی طور پر 35 روپے کا ریلیف دیا گیا ہے۔وزیراعظم آفس نے بتایا کہ یکم جون کو حکومت نے پیٹرول کی قیمت میں 4 روپے 74 پیسے کمی کی تھی۔اس سے قبل وزیراعظم شہباز شریف نے صنعت اور برآمدات بڑھانے کے لیے تاریخی قدم اٹھاتے ہوئے صنعتوں کے لیے بجلی کی قیمت میں 10 روپے 69 پیسے فی یونٹ کمی کردی۔ صنعت اور برآمدی شعبے کے لیے بجلی کی قیمت 34 روپے 99 پیسے فی یونٹ مقرر کی گئی ہے۔
102
