اردوورلڈکینیڈا( ویب نیوز)امریکی صدر جو بائیڈن نے اپنے عوام سے سیاسی درجہ حرارت کو کم کرنے کی اپیل کی ہے۔اوول آفس سے قوم سے خطاب کرتے ہوئے امریکی صدر جو بائیڈن نے کہا ہے کہ بیان بازی بہت آگے نکل گئی ہے، سیاسی درجہ حرارت کم کرنے کی ضرورت ہے۔ شکر ہے کہ ٹرمپ اس حملے میں شدید زخمی نہیں ہوئے۔ سیاست میں کسی کی جان کو خطرہ نہیں ہونا چاہیے۔
انہوں نے مزید کہا ہے کہ یہ نہیں معلوم کہ حملہ آور کا مقصد کیا تھا۔ اسے مدد ملی یا نہیں؟، اختلاف کا مطلب دشمنی نہیں ہونا چاہیے، ہماری جمہوریت تشدد کی اجازت نہیں دیتی، اختلافات کو گولی سے نہیں بیلٹ باکس سے حل کیا جاتا ہے، جمہوریت اور قانون کی حکمرانی کے لیے آواز اٹھاتا رہوں گا۔
امریکی صدر جو بائیڈن نے کہا ہے کہ صدارتی انتخابات میں خطرات بہت زیادہ ہیں، غیر ملکی عناصر افراتفری پھیلانے کی کوشش کرتے ہیں، پنسلوانیا میں ڈونلڈ ٹرمپ کی ریلی پر حملے کی تحقیقات جاری ہیں، ہم دشمن نہیں، ہم بھائی اور پڑوسی ہیں۔