اردوورلڈکینیڈا( ویب نیوز)پاکستان کے یوم آزادی کے حوالے سے امریکا میں بھی گہما گہمی دیکھی جا رہی ہے، اس حوالے سے ریاستی سینیٹ میں اہم قرارداد منظور کر لی گئی۔
پاکستان کے یوم آزادی کے حوالے سے امریکی ریاست کیلیفورنیا کی سینیٹ ایک اہم قرارداد منظور کر لی گئی ہے، ریاستی سینیٹر جوش نیومین کی جانب سے پیش کی گئی قرارداد میں کیلیفورنیا میں پاکستانی کمیونٹی کی خدمات کا اعتراف کیا گیا ہے۔
پاکستانی قونصل جنرل عاصم علی خان کا اس حوالے سے کہنا تھا کہ قرارداد میں پاکستان کی آزادی کو دیگر اقوام کے لیے مشعل راہ تسلیم کیا گیا ہے۔ امریکی ریاست کیلیفورنیا کی سینیٹ میں منظور ہونے والی یہ اہم قرارداد پاکستان اور کیلیفورنیا کے درمیان دوستی کے مضبوط بندھن کو ظاہر کرتی ہے۔
انہوں نے سینیٹ آف کیلیفورنیا کے تمام اراکین کا شکریہ ادا کرتے ہوئے کہا کہ اس اقدام کے نتیجے میں تعلقات مزید مضبوط ہوں گے۔