55
ارد و ورلڈ کینیڈا ( ویب نیوز ) شیخ حسینہ واجد کی قریبی شخصیت ،بنگلہ دیش کرکٹ بورڈ کے صدر نظم الحسن پوپن نے عہدے سے استعفیٰ دے دیا ہے۔کرکٹ بورڈ کی جانب سے بھی بنگلہ دیش بورڈ کے صدر کے استعفیٰ کی تصدیق کر دی گئی ہے۔بنگلہ دیشی میڈیا کے مطابق ناظم الحسن پوپن کا شمار سابق وزیراعظم حسینہ واجد کے قریبی لوگوں میں ہوتا تھا اور ان کے پاس وزیر کھیل کا قلمدان بھی تھا۔
یاد رہے کہ چند روز قبل طلبہ کے احتجاج اور 300 سے زائد افراد کی ہلاکت کے بعد بنگلہ دیش کی سابق وزیراعظم شیخ حسینہ واجد ملک سے استعفیٰ دے کر بھارت چلی گئی تھیں۔شیخ حسینہ واجد کے بھارت فرار ہونے کے بعد آرمی چیف نے ملک کی باگ ڈور سنبھالی اور پھر نوبل انعام یافتہ ڈاکٹر محمد یونس کی سربراہی میں عبوری حکومت قائم ہوئی۔
