اردو ورلڈ کینیڈا ( ویب نیوز ) شامی باغیوں نے کا دارالحکومت دمشق پر قبضہ کر لیا، بشار الاسد فرار
مقامی باشندوں کا کہنا ہے کہ دمشق میں فائرنگ اور دھماکوں کی آوازیں سنی جا رہی ہیں۔عرب میڈیا کے مطابق شامی باغیوں نے دمشق ہوائی اڈے اور سرکاری ٹی وی کی عمارت پر کنٹرول کا دعویٰ کیا ہے۔. دمشق میں شام کی وزارت داخلہ کی عمارت باغیوں نے اپنے قبضے میں لے لی ہے۔ دارالحکومت پر باغیوں کے قبضے کی اطلاعات کے بعد ہزاروں شہری دمشق کے مرکزی چوک میں جمع ہوئے اور جشن منانے اور نعرے لگانے لگے۔.
شامی اپوزیشن وار مانیٹر کے سربراہ کا کہنا ہے کہ صدر بشار الاسد ملک چھوڑ کر نامعلوم مقام پر ہوائی جہاز میں سوار ہیں۔. صدر بشار الاسد آج صبح ایک طیارے میں دمشق سے فرار ہو گئے۔اس کے علاوہ امریکی میڈیا نے یہ بھی دعویٰ کیا ہے کہ شامی صدر بشار الاسد دمشق میں موجود نہیں ہیں جبکہ شامی فوج دمشق کے مضافات سے پیچھے ہٹ گئی ہے۔امریکی اور مغربی حکام کا کہنا ہے کہ بشار الاسد کی حکومت اگلے ہفتے گرنے کا امکان ہے۔
امریکی میڈیا کے مطابق تمام ایرانی فوجی اہلکار خصوصی پرواز کے ذریعے دمشق سے تہران روانہ ہوگئے ہیں جبکہ پولینڈ نے اپنے شہریوں کو فوری طور پر شام سے نکل جانے کا حکم دے دیا ہے۔. اس کے علاوہ درجنوں فوجی گاڑیاں حمص شہر سے نکلتے ہوئے دیکھی گئیں اور سکیورٹی اہلکار بھی حمص کے مرکزی سکیورٹی ہیڈ کوارٹر سے نکل گئے۔خبر رساں ایجنسی کے مطابق شامی حکومت کی جانب سے فوری طور پر کوئی ردعمل سامنے نہیں آیا۔
گزشتہ رات شامی باغی فورسز نے مرکزی شہر حمص کا کنٹرول سنبھال لیا تھا جو شام کا تیسرا بڑا شہر اور دمشق اور شام کے ساحلی صوبوں کے درمیان ایک اہم علاقہ ہے۔شامی فوج کے سربراہ نے عوام کو خبردار کیا ہے کہ وہ باغیوں کی من گھڑت افواہوں کو نہ سنیں۔عرب میڈیا کے مطابق شامی فوج کے سربراہ جنرل عبدالکریم محمد ابراہیم نے قوم سے خطاب کرتے ہوئے کہا کہ شامی عوام کو باغیوں کی من گھڑت افواہوں کو نہیں سننا چاہیے، شامی فوج بغاوت پر قابو پانے کے لیے اپنی کوششیں جاری رکھے ہوئے ہے، اور فوج باغیوں پر شدید حملے کیے ہیں اور بڑی تعداد میں دہشت گردوں کو ختم کر دیا ہے۔
