اردو ورلڈ کینیڈا ( ویب نیوز ) ایران نے یہ ڈرون اپنے بحری جہازوں سے لانچ کیے ہیں۔کانگریس مین جیف وان نے دعویٰ

پینٹاگون نے ان خبروں کی تردید کی ہے کہ گزشتہ روز امریکی ریاست نیو جرسی کے آسمان پر دیکھے گئے ڈرون ایران کے تھے۔پینٹاگون کی ترجمان سبرینا سنگھ نے واضح کیا کہ ان ڈرونز کا تعلق کسی دشمن ملک سے نہیں تھا۔واضح رہے کہ ڈرونز کے حوالے سے امریکی رکن کانگریس جیف وان نے امریکی ٹی وی سے بات کرتے ہوئے دعویٰ کیا تھا کہ نیو جرسی کی فضائی حدود میں اڑان بھرنے والے ڈرونز کا تعلق ایران سے ہے اور یہ ڈرون مشرقی ساحل کے قریب تعینات ایرانی جہاز سے لانچ کیے گئے۔جیف وان نے امریکی ٹی وی کو مزید بتایا کہ ایران نے چین کے ساتھ ڈرونز اور مدر شپ ٹیکنالوجی کا معاہدہ کیا ہے تاکہ وہ اس میدان میں آگے بڑھ سکے۔ جیف نے مزید کہا کہ ہمیں ان ڈرونز کو مار گرانا چاہیے تھا۔