اردو ورلڈ کینیڈا ( ویب نیوز )پاکستان تحریک انصاف خیبرپختونخوا کے صدر جنید اکبر نے پارٹی رہنماؤں کا پہلا اجلاس طلب کر لیا۔

پی ٹی آئی کی جانب سے جاری بیان کے مطابق صدر پی ٹی آئی کے پی جنید اکبر نے پارٹی رہنماؤں کا پہلا اجلاس آج طلب کر لیا ہے۔ اجلاس دوپہر 12 بجے پارٹی کے صوبائی سیکرٹریٹ پشاور میں ہوگا۔اعلامیے کے مطابق تمام اراکین اسمبلی اور پارٹی رہنماؤں کو اجلاس میں شرکت کی دعوت دی گئی ہے۔پی ٹی آئی کے بیان میں کہا گیا ہے کہ اجلاس میں 8 فروری کو صوابی جلسے کی تیاریوں کے حوالے سے حکمت عملی طے کی جائے گی۔واضح رہے کہ پاکستان تحریک انصاف نے 8 فروری کو ملک گیر احتجاج کا اعلان کر رکھا ہے۔